Коста-Рика терма жамоаси бош мураббийи Хуан Луис Пинто кеча бўлиб ўтган жаҳон чемпионатининг гуруҳ босқичига қуръа ташлаш маросимидан кейин ўз фикрларини билдирар экан, унинг жамоаси ҳеч кимдан қўрқмаслигини таъкидлади.
«Биз жаҳон чемпионатига кучли жамоалар билан ўйнаш учун борамиз. Рақиб қанча кучли бўлса, кураш шунча муросасиз кечади. Кучли жамоларга қарши ўйинларда керакли натижа қайд этсак, бунинг завқи бошқача бўлади. Биз ҳеч кимдан қўрқмаймиз ва ўз кучимизга ишонамиз»,- дейди мураббий.
Коста-Рика жаҳон чемпионатининг «ўлим гуруҳи» деб баҳоланган D гуруҳида Уругвай, Англия ва Италия терма жамоаларига қарши баҳс олиб боради.
