«Арсенал» ярим ҳимоячиси Аарон Ремси ўзининг спорт формасини тиклаб олгани ҳақида фикр билдирди.
«Мен оилам ва Арсен Венгер билан суҳбатлашдим. Шундан кейин мен ўзимга келдим ва аввалги спорт формамни тиклаб олдим. Бугунгача кўплаб руҳий тўсиқларни енгиб ўтишимга тўғри келди. Бу жуда қийин бўлди, лекин инсон доим ўз кучига ишониши керак.
Ҳаммаси ўз жойига тушганида бўлиб ўтган воқеаларни унутасан. Умид қиламанки, яхши томонга ўзгара олдим. Ҳозир ҳаммаси зўр. Мен ўзимнинг ва жамоанинг ўйинидан қониқяпман. Шундай руҳда давом этишга ҳаракат қиламиз. «Арсенал» доим Рождестводан кейин яхши ўйнаган»,- дейди футболчи.