«ПСЖ»нинг спорт директори вазифасида ишлаган Леонардо «Реал» ҳужумчиси Криштиану Роналдуни жамоага олиб келиш учун қўлидан келган ишни қилганини тан олди.

«Биз Роналдуни Парижга олиб келиш учун қўлимиздан келган ҳамма ишни қилдик, лекин нима ҳам қилардик, уни «Реал»дан кетишга кўндира олмадик.

«Олтин тўп» ҳақида гапирадиган бўлсам, бу мукофотга Рибери муносиб. Месси, Роналаду ва Риберилар сенинг орзуйингни амалга ошириши мумкин бўлган футболчилар. Бу йил энг яхши бўлишга Рибери лойиқ деб ўйлайман. Бу унинг илк соврини бўлади. Месси ва Роналду аллақачон ғолиб бўлишган.

Лоран Блан ҳам жамоа билан жуда яхши ишламоқда. У «ПСЖ»га французча руҳ кирита олди. Бу жуда муҳим. У жаҳон чемпиони. Бундан ташқари Италия ва Испанияда ҳам тажриба орттирган.

«ПСЖ» билан алоқаларимиз сақланиб қолган. Мен икки жуда ажойиб йилни Парижда ўтказдим. Ҳозирда ҳам барча ўйинларни кузатиб бораман. Клуб президенти билан телефонда гаплашиб турамиз. У билан анча яқин бўлиб қолганмиз»,- дейди Леонардо.