“Арсенал”нинг собиқ ўйинчиси Патрик Виейра таъкидлашича, гарчи жуда яхши ўйин кўрсатаётган ва Англия чемпионатида етакчилик қилаётгани бўлсада, ҳозирги жамоа ҳали ўзининг юксак чўққисига чиқмаган.

“Арсенал” айни вақтда фантастик футбол намойиш қиляпти. Бироқ, улар фақат яхши ўйнагандагина ғалаба қозонишяпти. “Идеал жамоа” эса ўзининг ёмон ўйини вақтида ҳам ғалаба қозона олиши керак. Ҳозирги жамоа эса бунга қодир эмас.

Менимча, жамоага етакчи етишмаяпти.  Ушбу “Арсенал”да Адамс, Кэмпбелл, Киоун даражасидаги футиболчилар йўқ. Улар майдонда ҳам, майдон ташқарисида ҳам етакчи эдилар ва барчани ўз атрофларида бирлаштира олар эдилар”, - дейди “Арсенал”нинг собиқ сардори Виейра.

Эслатиб ўтамиз, айни вақтда “Арсенал” АПЛ энг яқин таъқибчисини 5 очкога ортда қолдирган ҳолда мусобақа жадвалини бошқариб бормоқда.