Навоий вилоятининг Қизилтепа туманида Ўзбекистон Республикаси Конституцияси қабул қилинганининг 21 йиллиги муносабати билан замонавий болалар спорт мажмуаси фойдаланишга топширилди.

Спорт мажмуасининг очилиш маросимида Президентимиз раҳнамолигида соғлом авлод тарбиясига, уларни ҳар томонлама қўллаб-қувватлашга алоҳида эътибор қаратилаётгани таъкидланди. Маҳаллий бюджет ва ҳомийларнинг 5 миллиард сўмдан ортиқ маблағи эвазига барпо этиган мазкур замонавий спорт иншооти ҳам ана шу саъй-ҳаракатлар самарасидир.

6 минг ўринга мўлжалланган футбол стадиони ҳамда спортнинг кураш, бадиий гимнастика турларига ихтисослашган иккита йирик спорт зали ёшлар учун кенг имкониятлар яратади.

Замонавий тарзда бунёд этилган стадион туман қиёфасига янада кўркамлик бахш этди. Мажмуада ёшларнинг спорт билан мунтазам шуғулланиши учун барча шароит яратилган. Республика Болалар спортини ривожлантириш жамғармасининг 15 миллион 166 минг сўмлик спорт жиҳозлари ҳамда ҳомийлар томонидан турли спорт либослари билан таъминланган спорт мажмуаси қисқа муддатда қурилиб, фойдаланишга топширилди.

Тадбирда Навоий вилояти ҳокими Э.Турдимов сўзга чиқди.