«Арсенал» ҳимоячиси Лоран Косьелни чемпионлар лигаси доирасидаги «Наполи»га қарши бўлиб ўтган ўйин ҳақида фикр билдирар экан кейинги босқичда жамоага осон бўлмаслигини алоҳида таъкидлади.
«Олдинда Англия чемпионати доирасида «Манчестер Сити»га қарши ўйинимиз бор. Уларни мағлуб этишни хоҳласак, бугунги «Наполи»га қарши ўйиндаги ўйинимизни кўрсатиш ярамайди.
Плей-оффда «Арсенал»га осон бўлмайди. Биз гуруҳдаги биринчи ўринни охирги турда бой бердик. Бизга қандай рақиблар тушиши мумкин эканини сиз ҳам жуда яхши биласиз. Лекин чемпионлар лигасининг финалига чиқмоқчи эканмиз, барибир Европа грандлари билан тўқнаш келишимиз аниқ эди»,- дейди футболчи.
