«Вест Ҳэм» устози Сэм Эллардайс Англия чемпионати 17-туридан ўрин олган «МЮ»га қарши ўйиндан кейин ўз фикрлари билан ўртоқлашди.

«Биз яқиндагина «Тоттенҳэм»га қарши жуда яхши ўйин кўрсатган эдик. Шунинг учун бугун ҳам кўп нарса кутган эдим. Таркибда бироз ўзгартириш киритидим. Бугун жамоа бир мақсад йўлида бирлаша олмади.

«МЮ» ўз уйида кечган охирги иккита ўйинда мағлуб бўлган эди, шунинг учун бугун улар ғалаба учун борларини беришди. Биз эса ҳеч нарса қила олмадик.

Мен «МЮ»нинг статистикасини ўргандим. Улар биринчи бўлимда гол ура олишмаса, иккинчи бўлимда ҳам яхши ўйнай олишмайди. Лекин биз рақибга ўйин бошида иккита гол совға қилдик.

Ҳакам пенальти белгилаши керак эди. Худди шундай ҳолатда пенальти берилганини кўрганман, лекин бугун бундай бўлмади»,- дейди мураббий.