«Барселона» вице-президенти Хосеп Бартомеу Лионель Мессининг янги шартнома имзолаши ҳақида фикр билдирди.
«Дунёнинг энг яхши футболчиси энг кўп маош олиши керак. Бунга шубҳа йўқ. Леонинг отаси унинг «Барселона»да қолишни хоҳлаётганини таъкидлади.
Месси ва «Барселона» ўртасидаги муносабатлар анча йиллардан буён жуда яхши»,- дейди Бартомеу.
Хабарингиз бор, «Барселона»нинг яна бир вице-президенти Хавьер Фаус Месси билан шартнома имзолаш шарт эмаслигини таъкидлаган эди: «Тушунмайман, Месси билан шартномани узайтиришдан нима фойда? Ахир ҳар ярим йилда янги шартнома имзолаш шартмасдир»,- деганди Фаус.
Бунга жавобан Месси Фауснинг футболни тушунмаслигини ва «Барселона»ни худди биснес лойиҳа каби бошқаришини айтган эди.
