Пойтахтимиздаги “Айс авеню” муз саройида Ўзбекистон хоккей федерацияси томонидан ушбу спорт турини ривожлантиришга бағишланган тадбир ўтказилди. Бу ҳақда ЎзА хабар бермоқда.

Хабарда таъкидланишича, бугунги кунда мамлакатимизда тоғ чанғиси, сноуборд, фристайл, фигурали учиш каби қатор қишки спорт турлари тобора ривожланмоқда. Пойтахтимиздаги сунъий муз қопламали спорт саройи ва муз саройларида, Тошкент вилоятидаги спорт базаларида қишки спорт турлари бўйича машғулотлар ўтказиш учун барча шароитлар яратилмоқда. Жумладан, 2014 йилдан пойтахтимизда хоккей жамоалари иштирокида Тошкент шаҳар очиқ чемпионати ўтказилади.

Тадбирда хоккейчилар ўртасида ўртоқлик учрашуви ўтказилди. Эстрада хонандаларининг куй-қўшиқлари йиғилганларга кўтаринки кайфият бағишлади.