Дастлабки йиғинни Андижонда олиб бораётган Азамат Абдураимов кеча Шўрбулоқ даҳасидаги сунъий қопламали майдонда икки томонлама ўйин ташкил этиб, футболчиларнинг имкониятини синовдан ўтказди.

Бу баҳсда “қизиллар” ва “сариқлар” ўзаро куч синашди. Таркиб қуйидагича кўриниш олди.
“Қизиллар”: С.Смородин (Д.Жўрақулов), Ш.Рўзиев, Д.Турсунов, А.Раҳмонов, Ғ.Комилов, Б.Ғозиев, И.Отахонов, Б.Абдураҳимов, Р.Раҳмонов, А.Тўхтасинов, Л.Солиев.
“Сариқлар”: А.Ортиқов (С.Смородин), В.Магерамов, А.Маматказин, Р.Қодиров, А.Қаюмов, Д.Жамолддинов, С.Нўмонов, Н.Павленко, У.Усмонов, Б.Комилов, С.Соибов.
Захирадан майдонга тушганлар: Б.Содиқов, А.Абдуқаҳҳоров, Д.Маҳмудов.
Гол: Л.Солиев.

Тажрибали ҳужумчи Лочин Солиевнинг голи эвазига учрашувда “қизиллар” 1:0 ҳисобида ғалаба қозонди. Таркибдаги ўзгаришларга тўхталадиган бўлсак, айни пайтда “Андижон” сафида А.Ортиқов (“Хотира-79), Никита Павленко (“Оқтепа”) ва Вусол Магеромов (“НБУ-Осиё”) кўрикдан ўтишмоқда. 28 декабрь куни жамоамиз яна бир назорат учрашувини ўтказишни режалаштирган.