Термиз шаҳридаги “Алпомиш” спорт саройида дзюдо кураши бўйича мутлоқ вазн тоифасидаги спортчилар ўртасида мусобақа ўтказилди. Унда жами 19 нафар полвон тўрт гуруҳга бўлинган ҳолда ғолиблик учун татамида бел олишди.    Муросасиз курашлар остида ўтган гуруҳ баҳсларида Соиб Қурбонов “А” гуруҳида, Элёр Машарипов “В” гуруҳида, Болтабой Болтаев “С” гуруҳида ва ниҳоят Бахтиёр Менглиқулов “Д” гуруҳида биринчи ўринни эгаллаб, ярим финал босқичига чиқишди.    Финал йўлланмаси учун кечган беллашувларда Элёр Машарипов – Соиб Қурбоновни, Болтабой Болтаев эса Бахтиёр Менглиқуловни мағлубиятга учратдилар.    Ҳал қилувчи финал беллашуви кутилганидек ўта муросасиз кураш остида ўтди ва унда ёш дзюдочи Элёр Машариповнинг қўли баланд келди. (Эслатиб ўтамиз, Элёр яқинда Хайнан шаҳри (Хитой)да ўтказилган Осиё чемпионатида бронза медали совриндори бўлган эди.)    Шу тариқа мутлоқ вазндаги полвонлар ўртасида бўлиб ўтган мусобақада Элёр Машарипов олтин, Болтабой Болтаев кумуш, Соиб Қурбонов ва Бахтиёр Менглибоев бронза медали соҳиби бўлдилар