"Милан"нинг янги аъзоси Кейсуке Хонда шанба куни маҳаллий вақт билан соат 18:25да Миланда бўлади. Эртаси куни Япония терма жамоаси яримҳимоячиси тиббий кўрикдан ўтади ва душанбада "А"-сериясининг "Аталанта"га қарши ўйинини стадиондан туриб томоша қилади. MilanLive хабарига кўра, режалар шунақа.
Сешанба куни Хонда "Милан" билан илк марта машғулот ўтказади ва чоршанба "Сан-Сиро"нинг пресс-конференциялар залида расман "россонер"га айлангани эътироф этилади.
У янги жамоаси билан илк ўйинни 12 январ куни "Сассуоло"га қарши ўтказиши кутилмоқда.
Эслатиб ўтамиз, Хонда Москванинг ЦСКА клубидан эркин агент мақомида Италияга йўл олмоқда.
