"Арсенал" мураббийлар штаби тез орада клуб билан янги шартномаларга қўл қўйишади. Шу ҳақдаги Goal.com`нинг хабарига кўра, келишувлар 2 йилга мўлжалланмоқда.
Маълум бўлишича, бош мураббий ёрдамчилари Боро Приморац ва Стив Боулд, мураббий Нил Банфилд ва дарвозабонлар устози Жерри Пейтон, шунингдек, жисмоний тайёргарлик бўйича мураббий Тони Колбертларнинг ҳеч бири Лондондан кетиш ниятида эмаслар. Янги шартномаларга мувофиқ уларнинг маоши оширилмаслиги кутилмоқда.
Қайд этиш керак, юқорида санаб ўтилган мутахассисларнинг барчасида шу йил ёзда тугайдиган шартнома амал қилмоқда.
