Саудия Арабистонининг "Аш-Шабиба" газетаси Уммонда бошланадиган ёшлар (U22) ўртасидаги Осиё чемпионати ҳақида мақола чоп этиб, саудияликларнинг гуруҳдаги рақиблари — Ўзбекистон, Ироқ ва Хитой термаларига тўхталиб ўтди.

Ироқ
Ироқликлар Афина-2004 олимпиадасида кучли тўртликка киришганидан кейин навбатдаги саралаш мусобақаларида яхши иштирок эта олишмади. Лекин сўнгги йилларда ўсмирлар ва ёшлар терма жамоалари қайд этаётган натижалар шуни кўрсатмоқдаки, Ироқ иқтидорларга бой мамлакат.

Ўзбекистон
Ўзбекистон Европача ўйин намойиш қиладиган жамоа. У жамоавий ўйин орқали яхши натижа қайд этишга ҳаракат қилади. Ўзбекистон терма жамоасининг асосини миллий чемпионатда тўп сурувчи футболчилар ташкил қилса-да, бошқа чемпионатларда ўйнайдиган легионер футболчилар ҳам бор.

Хитой
Хитой ушбу гуруҳдаги Шарқий Осиёнинг ягона вакили ҳисобланади. Бу жамоа футболчилар тезкорлиги билан ажралиб туришади. Жамоа футболчилари бўйдор бўлгани учун узоқдан етказиладиган тўплар ҳам Хитойнинг ўзига хос жиҳатларидан бири.