Ўзбекистон ёшлар (U22) терма жамоаси Уммон пойтахти Маскатга етиб келиб, Сиб шаҳридаги "Golden Tulip" меҳмонхонасига жойлашди.

10 январь терма жамоа аъзоси Акбар Исматуллаев ўзининг 23 йиллик таваллуд аёмини нишонлади ва уни делегация аъзолари табриклашди. Ўзбекистон U-22 терма жамоаси етакчиларидан бири бўлган Исматуллаев «Пахтакор» ФА тарбияланувчиси ҳисобланади. Акбар Исматуллаевнинг биринчи мураббийи – Бахтиёр Нуралиев, биринчи клуби – «Пахтакор».

Ўзбекистон U-22 терма жамоаси бугун Уммондаги биринчи машғулотларини ўтказди. Машғулотлар Султон Қобус университети спорт майдонида ўтди.

Ўзбекистон U-22 терма жамоаси бош мураббийи Шуҳрат Мақсудов шогирдларини бўлажак муҳим ўйинларга жиддий тайёрламоқда.

Ўзбекистон U-22 ўйинчилари ҳам улар олдидаги масъулиятни тўла ҳис қилган ҳолда шуғулланишмоқда.

Уммонда шу кунларда, худди БААдаги каби, айнан футболбоп иқлим ҳукмрон.

Терма жамоа стандартлар вазиятлар устида ҳам фаол ишлади.