Мезбон Уммон терма жамоаси ҳам яқиндагина ҒОФФ чемпионатида иштирок этди. Ироқ ва Баҳрайнга қарши ўйинлардаги голсиз дуранглар сабаб мусобақани тарк этганди. Ҳозирги пайтда Уммон ёшлар термасини Филипп Бурле бошқармоқда. У турнирдан олдин қуйидагича фикр билдирди:

"Қатардан қайтгач Хитой ва Шимолий Корея термалари билан ўйнадик. Мақсадимиз - бошқаларники каби - иложи борича кўпроқ ўйинларни ютиш.

Мяньма термасининг ўйинларини кўрмаганман, фақат интернетда баъзи видеолавҳаларни томоша қилгандим. Бу борада умуман маълумотга эга эмасмиз. Менимча, улар яхши жамоа бўлса керак. Ахир КХДР билан бирга саралашдан чиқишган.

Мусобақанинг муҳимлиги шундаки, баъзи ўйинчилар учун бу турнирдан кейин миллий жамоа эшиклари очилса, баъзилари учун бундай йирик мусобақалар фаолиятидаги сўнггиси бўлиб қолади", дейди Бурле.