Ўзбекистон Биринчилигининг ортда қолган мавсумида Тошкентнинг “Истиқлол” жамоаси 35 очко жамғарган ҳолда ўн биринчи ўринни банд этди.

“Истиқлол”нинг ўтган мавсумдаги ўйинларидан келиб чиққан ҳолда, баьзи статистик маълумотларни эътиборингизга ҳавола этиб борамиз. Демак, бугун жамоа сафида рақиблар дарвозасига энг кўп тўп киритган футболчилар рўйҳатини келтириб ўтамиз.

“Истиқлол” тўпурарлари орасида жамоадаги Нодирларнинг иккитаси етакчи бўлди. Нодир Одилов Ўзбекистон Биринчилиги, биринчи ва иккинчи босқич баҳслари, шунингдек, Ўзбекистон кубогидаги голларни қўшиб ҳисоблаганда рақибларни 10 маротаба ранжитган. Жамоа сардори Нодир Қўзибоев эса мавсум давомида 8 та тўп киритишга муваффақ бўлган. Кучли учликни ўзининг 7 та голи билан Жамолиддан Нормирзаев якунлаб беради. Шунингдек, таниқли актёр ва эндиликда “Истиқлол” футболчиси ҳисобланган Алишер Узоқов ҳам рақиблар дарвозасини бир маротаба аниқ нишонга ола билган.

Қуйида эса “Истиқлол” таркибида гол уришга эришган футболчиларнинг тўлиқ рўйхати билан танишиб олишингиз мумкин.

“Истиқлол” тўпурарлари:
Нодир Одилов – 10
Нодир Қўзибоев – 8
Жамолиддин Нормирзаев – 7
Хасан Эргашев – 4
Ғуломҳайдар Ғуломов – 4
Исроил Турсунов – 3
Жамолиддин Қўчқоров – 3
Зафар Содиқов – 3
Жавоҳир Сиддиқов -3
Нодир Сагдуллаев – 2
Алишер Узоқов  - 1
Темур Садиров – 1
Нурпейс Тўрақулов – 1
Азамат Розиқов – 1
Жасур Мирзабоев – 1
Расул Раҳмонбердиев – 1
Шаҳзод Каримов - 1