“Бунёдкор”инг Осиё Чемпионлар лигасидаги рақиби – Эроннинг “Фулад” клуби жуда муҳим ғалабани қўлга киритди.

Ахвазликлар 22-турнинг марказий учрашувида чемпионат пешқадами – Теҳроннинг “Пирузи” клубини қабул қилишди. Аввалига учрашувнинг 25-дақиқасида пойтахтликлар Саид Меҳдининг гол эвазига олдинга чиқиб олишди. Орадан роппа-роса ўн дақиқа ўтиб, Исмоил Шарифат ўзининг ажойиб зарбаси билан ҳисобни тенглаштирди. Ўйин дуранг натижа билан якунланиб бораётган бир пайтда (89-дақиқада) Араш Афшин “Пирузи” дарвозасини ишғол қилиб, “Фулад”га жуда муҳим бўлган уч очкони тақдим қилди.

Ушбу ғалабадан сўнг “Фулад”нинг очколари сони 42тага етди ва улар мусобақа жадвалининг 11 январь кунги ҳолати бўйича пешқадамга айланишди. 41 очко билан иккинчи поғонада бораётган “Истиқлол” клуби ушбу турдаги учрашувини эртага ўтказади.