Австралиянинг Мельбурн шаҳрида бошланган Австралия очиқ чемпионатида Ўзбекистоннинг биринчи рақамли теннисчиси Денис Истоминни яккалик баҳсларининг биринчи босқичида ғалаба қозониб, иккинчи босқичда россиялик Дмитрий Турсунов билан баҳс юритиши ҳақида маълумот берган эдик.

Ҳамюртимиз “Улкан тож” туркумига кирувчи мазкур нуфузли мусобақанинг жуфтликлар баҳсида Михаил Елгин (Россия) билан кортга тушиши маълум бўлди. Ушбу жуфтлик дастлабки босқичда мусобақада 11-рақам остида сараланган франциялик Жюльен Беннето ва Эдуар Роже-Васслен дуэтига қарши кортга тушади.

Эслатиб ўтамиз, Истомин / Елгин жуфтлиги 2013 йили Москва шаҳри (Россия)да ўтказилган "Кремль кубоги" турнирининг жуфтликлар мусобақасида бош совринни қўлга киритишган.