Биз, “Бухоро” ФК мухлислари садоқатли футболчиларимизни доимо қўллаб-қувватлаганмиз. Улар билан доимо биргамиз. Бизнинг жамоамиз балким ҳозирда ўртамиёнадир, лекин биз шонли тарихимиз билан (“Нурафшон” даври), жамоага садоқатли футболчиларимиз билан доимо фахрланиб келганмиз.

“Бухоро” (“Нурафшон”)даги маҳаллий футболчилар, ҳаттоки легионерлар ҳам жамоага садоқатини доимо амалда исботлаб келган. Жамоа асосан ўзи тарбиялаган маҳаллий футболчилар билан доим фахрланиб келган.

Биз жамоа мухлислари Суҳроб Нематовга талаб қўйган эдик. Суҳроб эса ҳаттоки иккиланиб ҳам ўтирмади. Шу заҳотиёқ “Бухоро” ФК таркибига келиб қўшилди. Пулдан жамоа мухлисларини устун қўйди. Жамоамиз раҳбарияти ҳам мухлислар фикрини пулдан устун қўйди. Қарор қабул қилинди. Суҳроб энди “Бухоро”да ўйнайди!

Суҳроб, сени вояга етказган, ҳақиқий эркак, ватанпарвар қилиб тарбиялаган отангга, футболга киритган мураббийингга, устозларинга раҳмат. Бизнинг фикримизни тушунган клуб раҳбариятига раҳмат.

Суҳроб, сен энди ҳақиқий сардорсан. Бошқалар ҳам сендек садоқатли бўлишини тилаб қоламиз.

Олға, “Бухоро (“Нурафшон”).

Акбар Халимов
(43 нафар жамоанинг содиқ мухлислари номидан)