“Бунёдкор”нинг янги аъзоси Вохид Шодиев назорат учрашувида “Ростов” дарвозасини ишғол қилди. Учрашувдан сўнг “қалдирғочлар”нинг ягона голи муаллифининг ўйин борасидаги фикрлари билан қизиқдик.

- Россия премьер-лигаси иштирокичисига, хусусан кучли ҳимоячиларга қарши тўп тепиш қийин бўлмадими?
- “Ростов” кучли жамоа ва улар яхши ўйин кўрсатишди. Биз ҳам мураббийлар томонидан берилган кўрсатмаларни бажаришга ҳаракат қилдик. Умуман олганда, ушбу учрашув ҳар иккала томон учун фойдали бўлди.

- Учрашувда Олександр Пишур билан тандем ҳосил қилдингиз. Ҳужумдаги шеригингиз билан бир-бирларингизни осон тушуняпсизларми?
- Саша билан майдонда ҳам, унинг ташқарисида ҳам яхши муносабатдамиз.

- “Ростов” дарвозасига киритган голингиз ҳақида нима дея оласиз?
- Сардор Рашидов бурчак зарбасини яхши амалга оширди. Ҳимоячиларнинг ҳатосидан унумли фойдаланиб, бош билан дарвозани ишғол қилдим.