Мавсумга тайёргарликни Тошкентда олиб бораётган «Навбаҳор» аъзолари бугун «Футбол-Мед» шўъба кўрхонасида тиббий кўрикдан ўтишди. Ҳозирча жамоа таркибида ҳеч қандай ўзгариш бўлганича йўқ.

Машғулотлар эса пойтахтдаги «Обод» клубига қарашли ўйингоҳининг сунъий қопламали майдонда кунига икки маҳалдан ўтказилмоқда. Тошкентдаги йиғинда иштирок этиши режалаштирилган Дурбек Умаралиев бетоблиги боис ҳозирча машғулотларга қўшилмаган холос. Таркибга “Бунёдкор” жамоасидан Камолиддин Тожибоевни қўшилганлигини ҳам эътироф этиш жоиз. Тожибоев бунга қадар “Бунёдкор” ёшлар жамоаси шарафини ҳимоя қилган. 1990 йилда туғилган ҳимоячининг ҳаракатлари мураббийларга манзур бўлса, футболчи янги мавсумда “Навбаҳор” шарафини ҳимоя қилиши мумкин бўлади.

Шу ўринда жамоамизнинг назорат ўйинлари тақвимига кичик ўзгартириш киритилганлигини қўшимча қилиш жоиз. Аввал хабар бериб ўтганимиздек, 29 январь куни «Металлург» ва 2 февраль куни «Машъал»га қарши учрашувлар бўлиб ўтади. Мураббийлар штаби яна битта назорат учрашувини ўтказиш бўйича «Оқ-тепа» клуби билан келишувга эришишди. Мазкур ўйин 26 январь куни “Оқ-тепа” жамоаси ўйингоҳида бўлиб ўтади.