“Қизилқум” жамоаси 20 январдан бошлаб учинчи босқич ўқув-машғулот йиғинини давом эттирмоқда. Кончилар йиғин доирасида навбатдаги назорат учрашувини ўтказдилар.
 
26 январь куни Юрий Лукин шогирдлари Навоий шаҳрида бўлиб ўтган бу галги ўртоқлик ўйинида Жиззахнинг “Сўғдиёна” футболчилари билан куч синашдилар. Қизиқарли ва ҳужумкор руҳда кечган баҳсда навоийликлар 2:1 ҳисобида ғалаба қозонди.
 
Дастлаб биринчи бўлимда кончилардан Алишер Холиқов пенальтидан ҳисобни очган бўлса, иккинчи бўлим ўрталарида Руслан Вагапов ҳисобни 2:0 кўринишига келтирди.
 
Учрашув тугашига ўн дақиқа қолганида Учқун Қобилов ўртадаги фарқни биттага қисқартириди — 2:1. Ўйин охиригача шу ҳисоб сақланиб қолди.
 
“Қизилқум” жамоаси бош мураббий Юрий Лукин “Сўғдиёна”га қарши қуйидаги футболчилар хизматидан фойдаланди:
 
Эркин Жабборов, Акмал Рустамов, Миржалол Қурбонов, Акмал Холиқов, Асқар Муҳиддинов, Элдор Бойматов, Фарруҳ Ҳайдаров, Руслан Вагапов, Шерали Жўраев, Владимир Шишелов, Алишер Холиқов.
 
Захирадан майдонга тушганлар: Артём Макосин, Ғайрат Жумаев, Азизжон Абдуллаев, Наврўз Алимов, Файзулла Қамбаров, Жамшид Шохназаров, Руслан Санаев, Азизбек Усмонов.
 
Голлар: Алишер Холиқов (31-пен), Руслан Вагапов (75) — Турғун Қобилов (80).
 
Режага мувофиқ, “Қизилқум” жамоаси 2 февралга қадар машғулотларни Навоийда давом эттиришади. 3 февралдан бошлаб кончилар пойтахтда йиғин ташкил этишни режалаштиришган.
 
Мазкур йиғин доирасида Юрий Лукин шогирдлари олтита ўртоқлик учрашувида майдонга тушадилар. Улар пойтахтдаги илк синов-назорат учрашувини “Олмалиқ” вакилларига қарши ўтказишади.