"Барселона" президенти Хосеп Мария Бартомеу клубнинг собиқ раҳбари Сандро Росселга нисбатан очилган даъво иши хусусида тўхталиб ўтди.
"Агар Касес ўз даъвосидан воз кеча, жуда яхши бўларди. Ундан бунинг учун миннатдор бўлардик. Агар у давом этишни истаса, бунга ҳаққи бор", - дейди Бартомеу.
Эслатиб ўтамиз, Неймарнинг "Барселона"га келиши 57 миллион евро эвазига амалга ошгани ҳақида хабар берилганди. Аммо кейинроқ клубга қарши бўлганлар ичидан Хорди Касес каталонияликлар бразилиялик учун 95 миллион евро тўлаганини, шундан 40 миллиони Росселнинг чўнтагига кетганини даъво қилиб чиққанди. Россел бу ҳолат юзасидан судда изоҳ беришга тайёр эканини билдирган ва кейинроқ клуб президентлигидан кетганди.
