Испания терма жамоасининг собиқ бош мураббийи Луис Арагонес 76 ёшига ҳаётдан кўз юмди.
У бугун эрталаб, Мадриддаги клиникалардан бирида маҳаллий вақт билан соат 06:15да вафот этган.
Таниқли испан мутахассиси деярли 40 йил мобайнида турли клуб ва терма жамоаларда фаолият олиб борди. Испания терма жамоаси билан Евро-2008да ғалаба қозонган мураббий, "Атлетико", "Барселона" каби клубни ҳам бошқарди. Ўтган йилнинг декабр ойида Арагонес фаолиятини якунлаганини маълум қилганди.