Фарғона вилоят ҳокими вилоятдаги клубларга улкан вазифалар қўймоқда. Хусусан, вилоятнинг бош жамоаси саналган “Нефтчи” клуби янги мавсумда совриндорлар қаторидан жой олиш вазифаси юклатилган. Агар жамоани олдинги нуфузини ҳисобга оладиган бўлсак, бу камида учинчи ўрин ҳисобланади.

Узоқ йиллардан бери Ўзбекистон Биринчи лигасининг доимий аъзоси сифатида иштирок этиб келаётган “Қўқон-1912” жамоасига 2014 йилда Олий лигага чиқиш вазифаси белгиланган. Шунингдек, “Ёзёвончи” жамоаси олдига Биринчи лигага чиқиш шарти қўйилган бўлса, келаси йилда Марғилон шаҳридан янги бир жамоа ҳам Биринчи лигага иштирок этиш вазифаси қўйилган.

Вилоят ҳокимининг талабига биноан жамоаларнинг мазкур вазифани бажариши шарт қилиб белгиланган. Шунингдек, олинган хабарларга кўра эндиликда вилоят ҳокимлиги жамоаларни фақат ҳомийлар ёрдамида молиялаштириш эмас, балки уларнинг ҳам ўз-ўзини молиявий таъминлаш лозимлиги белгиланган. Эндиликда жамоалар фақат ҳомийлардан тушадиган пулга кўз тикмасдан, клубнинг маркетинг хизматини ривожлантиришга ҳам алоҳида эътибор қаратилиш лозимлиги белгиланган.