Бугун Тошкентдаги «Пахтакор» стадионида «Локомотив» Кувайтнинг «Ал-Кувайт» жамоасига қарши баҳс олиб боради. Мазкур клубни «Кувайт» СК деб аташга ўрганиб қолганмиз.

«Плей-офф»нинг дастлабки ўйинида Кувайтликлар Ироқнинг «Ал-Шорта» жамоасини мағлуб этишди.

«Ал-Кувайт» нафақат Кувайтда, балки Осиёда ҳам анча машҳур саналади. Агар жамоага ОЧЛ баҳсларида иштирок этиш имкониятини беришганида, ҳозиргидан кўра яхшироқ натижаларни қайд этган бўларди. Клуб ОФК кубогининг финалига тўрт марта чиқиб, шундан учтасида зафар қучган.

1960 йилда ташкил этилган жамоа уй учрашувларини ўзига қарашли «Кувайт» СК стадионида ўтказади. Жамоа ички чемпионат баҳсларида 11 марта ғолиб чиққан ва айни пайтда мамлакатнинг амалдаги чемпиони ҳисобланади.
Футболдан ташқари «Кувайт» СКнинг гандбол, баскетбол, волейбол, сув полоси, енгил атлетика, гимнастика, сузиш, бокс, дзюдо ва оғир атлетика секторлари бор. Шунингдек, клуб 2007 йилдан буён ҳар ойда ўз журналини ҳам чоп этади.

Маҳаллий Wataniya Telecom ва «Платина», Италиянинг «Лото», Германиянинг Adidas ҳамда BMWList of seasons компаниялари жамоанинг ҳомийлари ҳисобланишади.

«Кувайт» СК Тошкентга кеча чартер рейс билан етиб келди ва «Миран» меҳмонхонасига жойлашди. Эслатиб ўтамиз, «Локомотив»га қарши учрашув 8 февраль куни соат 15:00да бошланади.
 
Таркиби:
 
Дарвозабонлар:
22. Бадр ал Азми
23. Холид ал Фадхли
34. Абдулраҳмон ал Ҳусайн
Ҳимоячилар:
2. Ёқуб ал Тоҳир
3. Фаҳад Авад
12. Фаҳад ал Ансари
13. Абдуллоҳ ал Рифаи
14. Холид ал Кандари
19. Ҳусайн Али Бобо (Баҳрайн)
20. Ҳусайн Ҳаким
21. Сами ал Санеа
25. Аҳмад ал Субайҳ
33. Фаҳад Ҳамоуд
Ярим ҳимоячилар:
6. Жавод Некунам (Эрон)
9. Фаҳад ал Энези
15. Волид Али
16. Иброҳим Шехаб
17. Абдуллоҳ ал Бурайки
18. Жароҳ ал Атиқи
24. Чади Хамами (Тунис)
35. Носир ал Катани
37. Шерида Холид
40. Абдулҳоди Хамис
Ҳужумчилар:
4. Абдуллоҳ ал Фараж
10. Али ал Кандари
11. Самир Желпич (Германия)
27. Абдулазиз ал Маршод
32. Абдуллоҳ ал Мулла
38. Юсуф Ёқуб
42. Абдуллоҳ ал Салял.
 
Маълумот учун:
 
«Ал-Кувайт» (Кувайт)
Лақаби: «Бригадирлар»
Ташкил топган йили: 1960
Стадиони: «Кувайт» СК
(18500 томошабин)
Президенти: Абдулазиз ал Марзуқ
Бош мураббийи: Ион Марин (Руминия)
Машҳур футболчилари: Жеффри Хёрст, Андре Маканга, Вампета, Иссам Жемаа
Машҳур мураббийлари: Олег Базилевич (Украина), Слободан Павкович (Югославия), Жилберто (Бразилия), Тео Бюкер (Германия)...
Ютуқлари:
Кувайт чемпиони (11): 1965, 1968, 1972, 1974, 1977, 1979, 2001, 2006, 2007, 2008, 2013
Кувайт Амири кубоги соҳиби (9): 1976, 1977, 1978, 1980, 1985, 1987, 1988, 2002, 2009
Кувайт Шаҳзода кубоги соҳиби (5): 1994, 2003, 2008, 2010, 2011
Кувайт ФФ кубоги соҳиби (3): 1992, 2010, 2012
Кувайт суперкубоги соҳиби (1): 2010
ОФК кубоги соҳиби (3): 2009, 2012, 2013.