Хабарингиз бор, бугун соат 14:00да "Пахтакор" стадионида муҳим учрашув старт олади: "Локомотив" ОЧЛ гуруҳ босқичига чиқиш учун "Қувайт СК" клуби билан баҳс олиб боради.
Аслида кеча бўлиб ўтиши керак бўлган ўйин пойтахтимизда ёғган қор туфайли кечиктирилганидан хабарингиз бор. Ўйинга 3 соатдан кам вақт қолаётган бир пайтда Тошкентда ҳаво ҳарорати 0 даражани кўрсатмоқда. Қуёш чиққан ва шамол эсаётгани йўқ. "Пахтакор" марказий ўйингоҳида эса учрашувга тайёргарлик ишлари қизғин кетмоқда. Майдон қордан тўлиқ тозалаб бўлинган:
Фото: ЎФФ матбуот хизмати
"Темирйўлчилар"га ОЧЛ йўлланмалари насиб этишини тилаб қоламиз. Бу йўлдаги илк ўйинни эса сайтимиз орқали матнли трансляция қилишни режалаштирганмиз.
