Бугун 10 февралдан эътиборан янги мавсумга тайёргарлик кўраётган “Шўртан” жамоаси футболчилари қишки ўқув-йиғин машғулотларининг учинчи босқичини бошлаб юборишди. Аввалдан ишлаб чиқилган режага кўра бу босқич ҳам пойтахтда ташкиллаштирилади.

Хабарингиз бор, Мухтор Қурбонов бошқарувидаги жамоа 7-19 январь кунлари Ғузорда (биринчи босқич) кейин эса 25 январдан 5 февралга қадар бўлган муддат оралиғида Тошкентда (иккинчи босқич) тайёрланишди.

Айни шу кунларда бўладиган машғулотлар жараёни яна Олий лигага қайтиш мақсадида жиддий тайёрланаётган жамоа учун жуда ҳам муҳим ҳисобланади. Бу даврда асосий эътибор ўйин амалиётига қаратилиши режалаштирилган. “Шўртан” футболчилари машғулотлар билан бир қаторда, нафақат синов назорат учрашувларини ўтказишади, балки ҳар йили мавсум арафасида ташкиллаштириладиган ПФЛ Кубоги турнирида ҳам иштирок этишади. Бундай ҳолатда бош мураббий Мухтор Қурбонов футболчиларга ўзларини кўрсатишлари учун кўпроқ имконият беришни ҳам кўзлаб турибди. Яъни йиғинда қатнашаётган футболчиларни икки таркибга бўлган ҳолда ПФЛ Кубоги турнири ҳамда ўртоқлик учрашувларида майдонга имкон қадар 90 дақиқадан туширишни ўйлаб турибди.

Эслатиб ўтамиз, “Оқ бўрилар” жамоаси ПФЛ кубогидаги дастлабки учрашувларини эртага – 11 февраль куни “Навбаҳор”га қарши ўтказади.

“Шўртан” жамоасининг жойлашган гуруҳи ва ўйинлари тақвимини эътиборингизга ҳавола этамиз:

“D» гуруҳи
«Навбаҳор» (Наманган)
«Локомотив» (Тошкент)
«Пахтакор-2» (Тошкент)
«Шўртан» (Ғузор)

1-тур. 11 февраль
«Навбаҳор» - «Шўртан» 11.00, РСМФМ
«Локомотив» - «Пахтакор-2» 13.30, РСМФМ

2-тур. 13 февраль
«Шўртан» - «Пахтакор-2» 11.00, РСМФМ
«Навбаҳор» - «Локомотив» 13.30, РСМФМ

3-тур. 15 февраль
«Локомотив» - «Шўртан» 11.00, РСМФМ
«Пахтакор-2» - «Навбаҳор» 13.30, РСМФМ.