Режага кўра бугун "Навбаҳор" Зарафшоннинг “Қизилқум” клубига қарши навбатдаги назорат учрашувида майдонга тушди. 90 дақиқа давомида ҳар икки жамоа аъзоларида ҳам гол уриш учун бир нечта имкониятлар бўлса-да, “Бунёдкор” ўйингоҳининг сунъий қопламали майдонида ўтган ўйин тақдирини зарафшонликлар аъзоси Наврўз Алимовнинг киритган голи ҳал қилди. Алимов учрашувнинг сўнгги дақиқаларида Усмонов дарвозасини нишонга олишга эришди.

Наманганликлар учрашувни қўйидаги таркибда ўтказишди:
Дониёр Усмонов, Қаҳрамон Маҳаммаджанов, Тимур Яфаров, Ботир Тўрабоев, Раҳматулло Бердимуродов, Аъзам Алиев, Азим Аҳмедов, Илҳом Бойдедаев, Алишер Маҳмудов, Отабек Валижонов, Алишер Шоғуломов.
Захирадан майдонга тушганлар: Элёр Жаҳонов, Собир Ҳамидов, Азизбек Ғуломхўжаев, Акбаршо Рашидханов, Маҳсуд Ҳайитов, Роббим Ҳасанов, Ислом Исмоилов, Абдумалик Абдуллаев, Ориф Мамаджанов, Аюбхон Ғаппаров.

Тошкентда мавсумга тайёргарлик кўраётган "Навбаҳор" эртадан ПФЛ кубогидаги иштирокини бошлайди. Дастлабки турда улар “Шўртан” билан баҳс олиб боришади. Бугун кечроқ таркибга яна бир янги футболчини келиб қўшилиши кутилмоқда. Бу ҳақда кейинроқ маълумот берамиз.