Сочи-2014да бугун 7та спорт турида 8та медлаллар комплекти ўз эгаларига топширилади.

Биатлон. Аёллар. Таъқиб пойгаси. 10 км. 20:00
Бугун аёллар таъқиб пойгасида баҳс олиб боришади. Спринтда Словакия вакили Анастасия Кузьмина 1-ўринни эгаллаганди. У энг яқин таъқибчилари Ольга Вилухина (Россия) ва Вита Семеренко (Украина)дан стартга 20 сония илгари чиқади. Ундан кейин эса қолганлар йўлга чиқишади.

Тоғдаги сноупстайл. Аёллар. 11:00 ва 14:00
Ушбу йўналиш олимпиадада дебют қилади. Бугун аёллар дастлабки медаллар учун баҳсларга киришадилар. Дастлаб саралаш мусобақаси ўтказилади ва 24 иштирокчидан 12 нафари финал йўлланмасини қўлга киритади.

Чана спорти. Аёллар, яккалик. 19:30 ва 21:20
Ушбу спорт турида кеча спортчилар икки мартадан стартга чиқишди. Бугун бўлиб ўтадиган учинчи ва тўртинчи уринишлардан кейин медаль соҳиблари аниқланади.

Трамплиндан сакраш. Аёллар. 22:30
Аёллар ўртасидаги трамплиндан сакраш мусобақаси илк марта олимпиадага киритилди. Демак, бу йўналишда биринчи олимпия чемпиони номини билиб оламиз.

Конькида югуриш. Аёллар, 500 метр. 17:45 ва 19:34
Ушбу йўналишда кореялик Ли Сан Хвага етадигани йўқ. Қолганлар эса унга рақобат кўрсатишга уриниб кўришади. Спортчилар икки мартадан уринишни амалга оширишади. Улар стадионнинг ташқи ва ички айланаларидан бир мартадан югуришни амалга оширишади.

Сноуборд. Эркаклар, хафпайп. 15:00, 20:00, 22:30
Бу спорт турида АҚШликлар етакчи ҳисобланишади. Спортчилар саралаш, ярим финал ва финалда иштирок этишади.

Тоғ чанғиси, Аёллар ва эркаклар, эркин усул. 15:00
Эркаклар ва аёллар кун давомида саралаш баҳсларида иштирок этиб бориб, кун сўнгида финал стартлари орқали медаллар тақдирини ҳал қилишади.

Бундан ташқари, хоккей, кёрлинг мусобақалари давом этади. Фигурали учиш бўйича жуфтликларда қисқа дастур бўйича баҳслар ўтказилади.