Сочида давом этаётган 22-қишки Олимпиадада мезбонлар ҳозирча битта олтин медални қўлга киритишди. Ягона юқори пробали медални фигурали учиш усталари жамоавий баҳсларда қўлга киритишди. Барчанинг диққати Россия терма жамоасининг 15 ёшли қатнашчиси Юлия Липницкаяда бўлгани аниқ. У жуда ёш бўлишига қарамай, ажойиб иштироки билан ҳаммани ҳайратда қолдирди.

ВКонтакте спортчининг профилини версификациялади (бу профил ростдан ҳам Юлияга тегишли эканини билдирувчи белги қўйилди). Бу эндиликда оригинал профил ҳисобланади. Маълум бўлишича, Юлиянинг твиттер ва инстаграм'да аккаунти йўқ. Бундан фойдаланган бир киши Юлиянинг номидан твиттерда аккаунт очган ва минглаб кишилар уни «ўқишмоқда». Шунинг учун бу профил тасдиқланмаган.

Айни вақтда спортчи Москвага учиб кетган ва яккалик баҳсларига тайёрланмоқда.