"Бавария" яримҳимоячиси Франк Рибери душанба куни муваффақиятли операциядан ўтгач, сафга март ойида қайтиши маълум қилинди.
Франция термасининг 30 ёшли ўйинчиси Германия чемпионати доирасида "Фрайбург" (15 феврал) ва "Ганновер"га (23 феврал) қарши ўйинларнигина ўтказиб юборади. Шунингдек, у ЕЧЛда 19 феврал кунги "Арсенал"га қарши баҳсда ҳам майдонга туша олмайди.
Риберининг сафга қайтиши 1 март куни бўладиган "Шальке"га қарши ўйинда рўй бериши кутилмоқда, аммо амалиётдан келиб чиқиб айтиш мумкинки, ушбу муддат яна ҳам узайиши мумкин. Жумладан, ҳаммаси жойида бўлган тақдирда "Вольфсбург"га қарши ўйинда майдонга тушиши эҳтимоли катта. "Арсенал"га қарши жавоб ўйини эса 11 март куни бўлади ва у жамоасига Лондонда ёрдам беришга тайёр бўлади.













