«Ювентус»нинг 20 ёшли ярим ҳимоячиси Пол Погба жамоа билан жаҳон чемпионатига қадар янги шартнома имзоламайди. Бу ҳақда Италия матбуоти хабар бермоқда.
Футболчи ўз агенти орқали «Юве»га жаҳон чемпионатидан кейингина янги шартнома ҳақида ўйлаб кўришини маълум қилган. Клубни эса бу қаноатлантирмаслиги аниқ, чунки туринликлар Погба билан янги шартнома имзолаб, унинг трансфер нархини ошириб олишни ният қилишган.
Жорий мавсумда Италия чемпионатининг 23 ўйинида майдонга тушган Погба 6та голга ва 8та голли узатмага муаллифлик қилган.













