Ҳамюртимиз, FIDE устаси Темур Игонин Беларуснинг Минск шаҳрида ўтказилаётган йирик шахмат турнирининг дастлабки учта турида икки ғалаба ва бир дуранг билан ажойиб натижа қайд этганди.
Озарбайжонлик халқаро спорт устаси Баҳруз Рзаев ҳамда қозоғистонлик гроссмейстер Ринат Жумабоевни енгган ёш шахматчимиз, мезбонлар вакили Владислав Ковалев билан дуранг ўйнади. 4-турда қорада доналарда ўйнаган Темур рейтингда ўзидан юз поғона юқорида турган халқаро гроссмейстер, россиялик Александр Халифманга имкониятни бой бериб қўйди. Бу Темурнинг мусобақадаги илк мағлубияти бўлди. Шундай бўлсада, ёш ҳамюртимиз қайд этаётган натижани ижобий дея баҳолаш мумкин.
