Навбатдаги мавсумга таёргарлик кўраётган Тошкентнинг “Пахтакор” жамоаси ўқув-машғулот йигини ўтказиш учун иккинчи Туркия йиғинига жўнаб кетди. Жамоа аъзолари  Анталия шаҳридаги "Rixos Lares" меҳмонхонасида истиқомат қилиб, машғулотлар ўтказадилар.

Жамоа делегацияси 38 кишидан иборат бўлади. 26 нафар футболчига 12 нафардан иборат гуруҳ ҳамроҳлик қилади. 15 февраль куни манзилга етиб борган вакилларимиз, меҳмонхона қошидаги майдонда кечки машғулот ўтказдилар.

28 февралгача давом этадиган йиғин доирасида 4 та  назорат ўйини ўтказилиши режалаштирилган. Биринчи ўйин 18 февраль куни Россия премьер лигаси вакили "Краснодар"клубига қарши бўлиб ўтади. Қолган 3 учрашувдаги  рақиблар  ҳақида сайтимизда маълумот бериб борилади.

Йиғинда иштирок этадиганлар рўйхати қуйидагича:
Дарвозабонлар - Никита Рибкин, Акмал Турсунбоев.
Ҳимоячилар - Александр Мерзляков, Даврон Ҳошимов, Акбар Исматуллаев, Тимур Толипов, Камолиддин Тожиев, Егор Кримец, Иброхим Абдуллаев, Достон Ибрагимов, Мухсин Убайдуллаев, Боян Миладинович.
Ярим ҳимоячилар - Владимир Козак, Шерзод Каримов, Жалолиддин Машарипов, Станислав Андреев, Жамшид Искандаров,  Кахи Махарадзе,Аббос Махсталиев, Жамшид Болтабоев, Жавохир Сохибов.
Ҳужумчилар - Анвар Ражабов, Анвар Солиев, Игорь Сергеев, Абдул Азиз Юсупов, Тимур Ҳакимов.
Клуб вакиллари - Самвел Бабаян (клуб менежери), Дражен Дукич (мураббий), Андрей Шипилов (жисмоний тайёргарлик бўйича мураббий), Виктор Жалилов (жамоа бошлиғи), Григорий Колосовский (мураббий), Умид Баҳромов (шифокор), Фарҳод Абдуқодиров (илмий ёрдамчи), Анвар Бисеров (массажчи), Шавкат Ерёмин (массажчи),  Даврон Саидов (маъмур), Ҳикмат Тошмирзаев (маъмур), Ҳожиакбар Шарапов (оператор).