Эрон чемпионатининг 27-турида чепионлик учун курашаётган – “Нафт-Теҳрон” ва “Фулад” жамоалари ўзаро куч синашишди.

Учрашувда 1:1 ҳисобидаги дуранг натижа қайд этилди. 13-дақиқада ахвазликлар Араш Афшин томонидан киритилган гол эвазига ҳисобни очишди. Бироқ 25-дақиқада Ризо Наврўзи пенальтидан дарвозани аниқ ишғол қилиб, ўртадаги мувозанатни тиклади. Ушбу ҳисоб ўйин охиригача ўзгармай қолди.

Шу тариқа, Осиё Чемпионлар лигасидаги рақибимиз – “Фулад” 27 учрашувда 51 очко жамғарган Эрон чемпионатида якка пешқадам бўлиб олди. Бироқ 50 очкога эга бўлиб, 2-ўринда бораётган “Истиқлол” ушбу тур доирасидаги учрашувини эртага ўтказади.

Энди “Фулад” навбатдаги учрашувини 25 февраль куни Осиё Чемпионлар лигаси 1-тури доирасида Қатарнинг “Ал-Жаиш” жамоасига қарши ўтказади.