Хабарингиз бор, бугун ЕЧЛнинг плей-офф босқичи старт олади. Кеча учрашувлар олдидан матбуот анжуманлари бўлиб ўтди. Жумладан, "Барселона" устози Херардо Мартино "Манчестер Сити"га қарши ўйин олдидан қуйидагиларни таъкидлади.

"Бу қарама-қаршилик финалга татиган бўларди. "Сити" билан турнирнинг кейинги босқичларида куч синашсак яхши бўларди. Масалан, чорак финалда.

Иккала жамоа ҳам жуда ажойиб. "Сити" чемпионатда ҳам, кубокда ҳам қандай кетмоқда. Бундай баҳс учун бундан ортиқ қулай вақт бўлмайди.

Биз ё гол уриш ё ўтказиб юбормасликдан бирини танламаслигимиз керак. Биринчи навбатда ўзимиз биладиган ва ўзимиз хоҳлаган ўйинни кўрсатишимиз керак, агар ўша ўйинимиз бизга гол олиб келса, унда яхши.

"Манчестер Сити" кўп жиҳатдан "Барселона"га ўхшайди. Балки инглизлар кўпроқ олдинга тўпни оширишар, аммо улар тўпни яхши назорат қилишни ҳам билишади. Ўйлашимча, эртага ким тўпсиз қолса шунга қийин бўлади.

Бизнинг рақибимиз - ўзимизнинг миниатюрадаги аксимиз эмас. Улар турли жиҳатлар бўйича бизга муаммо туғдириши мумкин. Жумладан, биринчи навбатда уюштириладиган ҳужумлари ва иккинчидан ҳам марказ ва ҳам қанотлар орқали бирдек яхши ўйин кўрсатишлари ва шунингдек иккинчи қаватдаги курашлар ва хавфли стандартлари ва кўплаб гол уришлари билан. Рақибга бас келиш учун тўпни назорат қилишимиз керак", - дейди Мартино.

Бугуннинг марказий ўйини сайтимиз орқали онлайн-трансляция қилинади. Учрашув Тошкент вақти билан соат 00:45да бошланади.