Туркияда навбатдаги  ўқув-машғулот йиғинларини ўтказаётган “Пахтакор” жамоаси, бугун Россия премьер-лигаси вакили ҳисобланган “Краснодар” клубига қарши майдонга тушади. Ўйин Белекдаги "Корнелия Даймонд" меҳмонхонаси қошидаги футбол майдонида бўлиб ўтиши режалаштирилган. Учрашув бошланиш вақти 20:30 (Тошкент вақти).

“Пахтакор” таркибидаги жароҳат олган футболчилар йуқ. Барча ўйинчиларимиз жиддий рақиб билан бўладиган назорат ўйинига тайёр ҳолатдалар.

Рақибга тўхталадиган бўлсак “Краснодар” клуби 2008 йилда ташкил топган бўлиб, Россия премьер-лигаси 2013/2014 йилги мавсуми 19-туридан сўнг, 33 очко билан турнир жадвалида 6-ўринда бормоқда. Таъкидлаш лозимки, “Краснодар” сафида ўзбек футболи тарбияланувчиси ҳисобланган Николай Марков тўп суради. Жамоа бош мураббийи Олег Кононов.

Бугунги учрашувда “Пахтакор” мураббийлар штаби жамоада кўрикдан ўтаётган ҳужумкор ярим ҳимоячи аргентиналик Матиас Норберто Фернандесни ўйинини кузатиш имкониятига эга бўладилар. Агар футболчи мураббийларга мақул келса, Ўзбекистон чемпионатида биринчи аргентиналик легионер пайдо бўлиши имконияти йўқ эмас.

Исми: Matias Norberto Fernandez
Туғилган йили: 05/07/1994
Амплуаси: Ҳужумкор ярим ҳимоячи
Олдинги жамоаси: Club Social y Deportivo Defensa y Justicia (2009 – 2014)