Россиянинг Сочи шаҳрида ўтказилаётган XXII қишки Олимпиада ўйинларида бугун спортнинг 9 тури бўйича мусобақалар ўтказилади.
Эркаклар ўртасида ўтказиладиган гигант-слалом мусобақасида ҳамюртимиз Артем Воронов Олимпиада ўйинларидаги иштирокини бошлайди. Мазкур мусобақа Тошкент вақти билан соат 12:00 да бошланиши режалаштирилган.
Бугунги кунга келиб 26 давлат вакиллари совринли ўринларни эгаллашди. Умумжамоа ҳисобида 8 та олтин, 3 та кумуш ва 4 бронза медалига сазовор бўлган Германия жамоаси ҳамон пешқадам бўлиб турибди. Норвегияликлар (7-4-7) иккинчи, Голландия вакиллари эса (6-6-8) учинчи ўринда боришмоқда.
