Россия терма жамоаси бош мураббийи Фабио Капелло "Ювентус" устози Антонио Контега нисбатан аввалроқ ўзи айтган, кейинчалик Контенинг илиқ бўлмаган муносабатига дуч келган фикрига қўшимча қилди.

"Конте "Ювентус"да яхши ишлаяпти. Ҳар бир мураббий жамоасини ўзи танлаган йўл билан бошқаради. Мен ҳеч қачон унинг қандайдир қарори менга ёқмади демаганман.

Мен шунчаки дам олиш кунларини бекор қилиш юзасидан савол ташлагандим ва бундай услубларга қарши эканимни айтгандим. Одамларга қандайдир хатолари учун ҳам жазо бераверишни ёқтирмайман. Ўзим ҳам ҳеч қачон бундай қилмаганман.

Ҳар бир мураббий ўз шогирдларини ҳаммадан яхши билади. Агар вазиятни ичкаридан билмаса, бошқа мураббийнинг қарорини тушуниш бошқаси учун қийин. Мен фақат ҳеч қачон ўз жамоамни жазоламаганимни айтгандим. Контенинг қарори ёқмади демадим, унга қарши ҳеч қандай қаршилигим ҳам йўқ", - дейди Капелло.