Ҳозиргина Сочи Олимпиадасининг гигант-слалом мусобақасида биринчи йўлакдаги баҳслар якунланди. Унда қатнашган ҳамюртимиз Артем Воронов қониқарли натижа қайд эта олмади.
Жами 109 нафар спортчидан 79 нафари финиш чизиғигача етиб келди. Энг сўнггилардан бўлиб йўлкага чиққан Артем финишгача масофани 1:37:09 вақтда босиб ўтди. Натижада пешқадамдан +16.01 секунд паст натижа қайд этган Воронов 72-ўриндан жой олди ва медаллар учун курашдан чиқди.
Гигант-слаломда ўз иштирокини якунлаган ҳамюртимиз 22 феврал куни слалом бўйича ўтадиган мусобақаларда иштирок этади. Ушбу баҳслар Тошкент вақти билан соат 17:45га белгиланган.
Эслатиб ўтамиз, тоғ чанғиси бўйича яна бир спортчимиз Ксения Григорьева ҳам слаломда 21 февраль куни баҳсларда қатнашади. Ушбу мусобақа ҳам Тошкент вақти билан 17:45да бошланиши режалаштирилган.
