ЕЧЛ нимчорак финалининг энг марказий баҳсларидан бири саналган "Арсенал"-"Бавария" учрашуви олдидан матбуот анжуманида мезбонлар бош мураббийи Арсен Венгер ҳам Гвардиола каби рақиб жамоага нисбатан ҳурмат билан муносабатда бўлди.

"Тушунамиз, мусобақа фаворити билан учрашяпмиз. Аммо биз ўз кучимизга қаттиқ ишонамиз. Нафақат ЕЧЛда, балки Англия кубогида ҳам жиддий рақиблар билан ўйнаб келяпмиз, мисол учун "Тоттенҳэм" ва "Ливерпуль"ни олинг. Мавсум бошидан ҳар бир ўйинга юз фоиз куч билан тушиш кераклигини яхши тушунардик.

Бунга қодирлигимизга ишонамиз. Барчаси кўрсатадиган ўйинимизнинг сифатига боғлиқ. Жамоада шижоат етарли, биз бир ғоя остида бирлашганмиз ва муваффақият қозонишни жуда истаймиз.

"Бавария" жаҳондаги энг яхши жамоами? Бунинг аксини айтиш қийин. Улар ҳар бир ўйинда ғалаба қозонишяпти, ЕЧЛни ютишди, клублар ўртасида Жаҳон чемпионатини... Шундай экан, бу - ҳақиқат", - дейди Венгер