Шахмат бўйича халқаро уста Жўрабек Ҳамроқулов Россияннинг Ростов вилоятида ўтказилган «Молот Кубоги» мусобақалари ғолиби бўлди.

Мусобақа ташкилотчилари қарорига кўра, 50 дан ортиқ шахматчилар иштирок этган ушбу мусобақалар илк бор интернет орқали ўтказилган.

Ҳамроқулов мусобақа якунларига кўра, бош совринни қўлга киритган бўлса, халқаро гроссмейстерлар Артур Габриелян (Россия) ва Юрий Солодовниченко (Украина) лар иккинчи ва учинчи ўринларни эгаллашди.

Шахмат маҳорати Академияси маълумотларига кўра, Жўрабек Ҳамроқулов 2007 йилдан бери халқаро уста унвонига эга, энг юқори рейтинги — 2554. Марказий Осиё давлатлари вакиллари орасидаги энг кучли шахматчиларидан бири. Эркаклар ўртасида уч карра Ўзбекистон чемпиони унвонини қўлга киритган. Испания, Бруней, Малайзия, Индонезияда ўтказилган қатор халқаро мусобақаларнинг ғолиби. Ўзбекистон терма жамоаси таркибида бир неча бор Бутунжаҳон шахмат Олимпиадаларида иштирок этган. Айни пайтда Сингапурда шахмат бўйича мураббий сифатида фаолият олиб бормоқда.