Сочида Олимпиада қизигандан қизиб бормоқда. Ҳозиргина қизлар фигурали учиш баҳсларида эркин дастурни якунлашди.
Унда кутилмаганда, ҳа, ҳа кутилмаганда Россия терма жамоасининг иккинчи рақамли иштирокчиси Аделина Сотникова ғалаба қозонди. У амалдаги чемпион Ю На Кимни ортда қолдирди. Мусобақа бошлангандан кейин Юлия Липницкаядан жуда кўп нарса кутишганди, лекин 15 ёшли қизалоқ кеча мажбурий дастурда ҳам, бугун ҳам хатога йўл қўйди ҳамда бешинчи бўлди. Лекин унинг хатосини Аделина ёпиб юборди. Енгилмас деб эътироф қилинган кореялик Кимни оз эмас, кўп эмас 5 баллга ортда қолдирди ва 224.59 балл билан Олимпиада чемпиони бўлди. Гап бўлиши мумкин эмас. Бутун зал, бутун Россия уни олқишламоқда. Чемпион эса бир бурчакда йиғлашдан бошқасига кучи етмаяпти.