Ўзбекистонлик ҳимоячи Артём Филипосян Хитойнинг "Лиаонинг" клубига ўтди. Бу ҳақда "TransferMarkt China" Твиттер саҳифаси хабар тарқатди.
"Хитойнинг "Лиаонинг" ва Ўзбекистоннинг "Бунёдкор" клублари Филипосяннинг трансфери борасида келишувга эришишди. Энди футболчи Саншуйга келиб, тиббий кўрикдан ўтади", дейилади Твиттердаги хабарда.
Ўтган мавсумни "Бунёдкор"да ўтказган футболчининг ўзи мавсумлар оралиғида Махачқалъанинг "Анжи" клуби машғулотида иштирок этиб қайтди. Кейинчалик эса "Пахтакор"нинг Тошкент ва Туркиядаги йиғинларида қатнашди.
Дарвоқе, "Лиаонинг" сафида ўзбекистонлик яна бир ҳимоячи Шавкат Муллажонов ҳам ўйнаган.