Сочи олимпиадасида биатлон бўйича энг мусобақа якунига етди. Россияликлар ушбу спорт турида ўзларининг олимпиадаги илк олтин медалларини қўлга киритишди. Бу "олтин" эса уларни умумжамоа ҳисобида 1-ўринга олиб чиқди.

Эстафета мусобақаси жуда қизиқарли ўтди. Сўнгги спортчилар масофага чиқишганида 5та терма жамоа вакиллари 15 сония оралиғида кетма-кет боришаётганди. Биатлончи энг сўнгги ўқ отишни тик туриб бажаришди. Масс-стартда олтин медални қўлга киритган Эмиль-Хегле Свендсен 8та ўқ билан 4та нишонни ёпа олди. Битта нишон эса очиқлигича қолиб кетди. Натижада у қўшимча 150 метр жарима айланмасига маҳкум этилди.

Симон Шемп (Германия) ва Антон Шипулин (Россия)га барча нишонларни ёпиш учун қўшимча ўқлардан фойдаланишга эҳтиёж қолмади. Натижада улар олдинма-кетин 4 сония фарқ билан ўқ отиш майдончасини тарк этишди.

Словения вакили Марич эса қўшимча 3та ўқнинг барчасидан, австриялик Доминик Ландертингер эса 1та ўқдан фойдаланиб, нишонларни ёпишди. Сочи олимпиадасида кумуш медалига эга бўлган Ландертингер пешқадамлардан 11 сония ортда қолаётганди. Аммо у рус ва немис биатлончисининг темпига дош бера олмади.

Шипулин тезда Шемпга етиб олди ва финишгача улар ёнма-ён келишди. Стадионга кириб келганда эса Антон германиялик спортчини ортда қолдирди ва финишни биринчи бўлиб кесиб ўтди. Учинчи эса Австрияга насиб этди.

Бу эстафета Норвегия ва Россия ўртасидаги медаллар бўйича ҳал қилувчи ўзаро кураш бўлиб чиқди. Россия ҳам олтин медалларини 11тага етказиб олди ва кумуш медалларининг кўплиги эвазига 1-ўринга кўтарилиб олди.