1 мартдан бошлаб Click тизими фойдаланувчилари футбол бўйича Ўзбекистон ва БАА терма жамоалари ўртасидаги учрашувга чипта сотиб олишлари мумкин. Бу ҳақда тизим матбуот хизмати хабар бермоқда.
Чиптани Click тизимига уланган мобил телефон орқали сотиб олиш мумкин. Тўлов ўтгандан кейин фойдаланувчига маҳсус код кўрсатилган SMS-хабарнома юборилади. Чиптани олиш учун ушбу код кўрсатилган SMS-хабарномани «Бунёдкор» стадионининг кассасида кўрсатиб, чиптага алмаштириб олиш лозим. Чипта нархи 15 минг сўм.
Click’нинг алоҳида оголантиришича, «SMS-хабарномани учинчи шахсларга юбориш ёки узатиш тақиқланган. Шундай ҳолларда чипта бекор қилинади».
Сотув даври чегараланганлиги сабабли чипталар фақат *880# USSD-сўрови орқали очиладиган менюда харид қилиш мумкин. «Таъкидлаш лозимки, бунинг учун Интернетга уланиш ва мобил телефонга қўшимча иловаларни ўрнатиш керак эмас», – дейилади Click хабарида.
Эслатиб ўтамиз, Осиё Кубоги-2015 саралаш баҳслари доирасидаги Ўзбекистон ва БАА терма жамоалари ўртасидаги учрашув 5 март, чоршанба куни Тошкент вақти билан 17:00да Тошкентдаги «Бунёдкор» стадионида бошланади.
