Кеча “Андижон” жамоаси “Бунёдкор” стадионининг машғулотлар майдонида “Навбаҳор”га қарши назорат учрашувини ўтказди. Водий жамоалари ўртасидаги мазкур беллашувда андижонликлар 2:3 ҳисобида мағлубиятга учрашди.

Иккинчи таймда андижонликлар фаол ҳаракат қилиб “Навбаҳор”нинг учта голига икки бор жавоб беришди. Жамоамиздан голларни Алишер Азизов ва Алексей Касьян уришди. Айтиш керакки, “Андижон” ва “Навбаҳор” жамоалари ўртасидаги бу иккинчи назорат ўйинидир. Январь ойида Андижонда ўтказилган дастлабки учрашувда “Андижон” 3:2 ҳисобида ғалаба қозонганди.

“Андижон” таркиби: С.Смородин, Ж.Мирабдуллаев, А.Рисқуллаев, Д.Турсунов, А.Касьян, Б.Ғозиев, И.Отахонов, М.Камолов, Б.Абдураҳимов, А.Азизов, А.Жўрабоев.
Захирадан майдонга тушганлар: А.Раҳмонов, Т.Султонов, Ш.Мирхолдиршаев, В.Расков, А.Тўхтасинов, Т.Усмонов, Ш.Шаймонов.
Голлар: А.Азизов, А.Касьян (пенальти).