Куни кеча “Зомин” марказий стадиони “Зомин” ва “Сўғдиёна”жамоалари ўртасидаги ўртоқлик учрашуви бўлиб ўтди.

Зоминда ўтказилган “кичик дерби” мақоми остидаги ўртоқлик учрашувига анчагина муҳлис ташриф буюрди. Ҳар иккала жамоа мураббийлари ўйин давомида бир қатор футболчиларни синовдан ўтказишди.

Учрашув тафсилотларига қисқача тўхталадиган бўлсак, иккала жамоанинг асосини асосан ёшлар ташкил этганлигини гувоҳи бўлишимиз мумкин. Спартак Муртазоев бошчилигидаги “Зомин” жамоаси олий лига вакилига етарлича ташвишлар туғдира олишди. Фақатгина маҳорат бобида “Сўғдиёна” футболчилари устунлиги сезилиб турди. Ҳар иккала жамоа ҳам ўйин давомида тезкор қарши ҳужумлар уюштириб туришди. Иккинчи бўлимнинг 20-дақиқасида мезбонлар ҳимоячи дарвозага кираётган тўпни қўли билан тўхтатди.Ҳакам уни майдондан четлатди. Белгиланган 11-метрлик жарима зарбасини Акмал Абдураҳмонов бехато бажарди. Шундан сўнг учрашув сўнгигача ҳар иккала жамоа ҳам қарши ҳужумларда тезкорлик билан ҳаракат қилишди. Ўйин 0:1 ҳисобида якунланди.

“Сўғдиёна” жамоаси ушбу учрашувда қўйидаги таркибда ҳаракат қилди

1-бўлим: Александр Меленчук, Магирамов Вусал,Асилжон Бегимқулов, Илёс Қурбонов, Нодирбек Ибрагимов, Санжар Рашидов, Рустам Аъзамов, Суҳроб Қобилов, Аюбхон Нўъмонов, Сардор Эминов, Элёр Орипов.
2-бўлим: Ширинбой Абдуллаев, Илҳом Комилов, Ином Отабоев, Ботиржон Каримқулов, Жасур Ҳакимов, Фурқат Ҳасанбоев, Акмал Абдураҳмонов, Ориф Мамажонов, Бобир Қосимов, Сардор Қаҳҳоров, Дилмурод Икромов.